La circoncision

 Chakoue (La circoncision chez les Akélé)

N’kèrè agombo ntolo na jè buchubu, babé kô agombo bâ kè kèré bana, bakè bo kêré 
méssoto. Adiya na bâ bakélia nâ mépouma mé tané nâ owoto. Djô apè béguénga bénobé bio babé pakéliâ ké kêré bana.

1. Lékindah 

N’lokwa guhola, nâ agombé yi ngolomiê, barubu nâ moutsô djê, djê kêké djê mutu gwa ké gwe kêtô. Nâ marindiê bâ nô gwené, batwona pé agomba yina bâkê gwe ké lokâ inchôté uté. Ndé bôba lôka gwe gwené, bâ pumbéliê pé bâ kalé bô bêchê, kadé woto. Djêné kê bâ niédiê djêné pé mbiâ amonba hola yi bôba yi kombamé guiédé irôhoin djê ndé bayili djê pé té. Bâ nô abuhé, bâ lachê djê hola, impipiachê, makô dibia mé.

2. Oweleka

Insiliâ hola, bâ toina gwê pé solo. Bâké paga nâ ô djobé léki lé tê. Iké nâ mbia bassiê hola, babé di pé inchâ u solo, bâ bélébo nâ méguiéngué. Inguiéngué ôtê ô gê hola, ô diê lékila, uloko gwe lékilo holo ôyi pé insambê hola pangue gwe yilié popo.   

3. Lédia lé lékindah

Unlôkwa hola, agombo gwê yi pé noyi, yi nâ bâ kwêtê ma buchu mbia malabâ, kô bâ ké yiliê béka nâ mékolé, kô bâ ké gwê dichi hola. Yali itê ibété hola, gnogni djômo pé gni tê.

Agombo gni chilia péhé kô bôba ké nâ gwe pé biché, bâ nôhan gwe lékonhon, kô ôké djô ké lume pé akondô, tâ létôtô, ndé akondô, pagan nâ akondô i tê djô iké diébiê.

Bâ lamba djô, nâ bâ siê mbia, nâ tchichi mbia. Ndé guégwa bâ kêrô ôssa dié diô ndé â bâ dié roné. A bâ dié dioné boto bâ mbala, nâ bâ yéka nâ bayi kêré bomé.

1  4. Chombo

Inlôkwa hola, n’tchô béché bâ dakémé agombo yi bé djekô amani, Ichibê pé nâ abahon, ô mbiémbê mélomo kê bolomo bôchê.

Agombo tôdo ké yi diya nâ, mécha yékô tchô yi kôbô ngêkê kiawâ. Idiyana, agombo ôssa béna siêbô insôtô, agombô bé djôka ôssa djô nâ boto bayinâ bassê bô siêbô méssôtô. O djô agwé nâ bô, agombo bétê, bâ djê gwana oyi mémialé.